متابعة الدكتورة / رينيه رمزي- اسنشاري القلب
بورسعيد / السيد يكري
الأريعاء 24/4/2019م
فهموهم ان المسيحي موحد بالله وان المسيحيين مبيعبدش ثلاث اله واننا بنعبد اله واحد هو الله
فهموهم اننا لا نعبد الصليب ولكن نكرمه ونقدسه لانه رمز من رموز القوه في حياتنا
فهموهم ان الخمر حرام والجنس مع غير زوجتك حرام واللي يبص علي وحده بغرض الشهوه يبقي زنا معاها في قلبه
فهموهم ان الست او البنت لازم تكون محتشمه داخل وخارج الكنيسة بحكم ان المسيحية ديانه طاهره
فهموهم ان الانجيل مش محرف واننا مش بنعبد صنم او انسان لكن التماثيل والصور الدينيه هي مجرد للتذكره ونتبارك بيها مش اكتر
فهموهم اننا بنحب كل الناس حتي اللي بيكرهونا لان السيد المسيح قال احبوا اعدائكم
فهموهم ان السيد المسيح قال ستاتي ساعه يظن فيها ان كل من يقتلكم يقدم خدمه لله
فهموهم ان كلمه الله يسامحك اللي بنقولها لبعض ولغيرنا دي مش ضعف دي منتهي القوه
فهموهم اننا بنصلي في القداس لكل العالم بلا تفرقه حتي للنبات والحيوان نصلي
فهموهم اننا بنصلي سبع مرات في اليوم واننا بنصوم يوم الجمعة و الاربعاء من كل اسبوع بجانب صوم الاعياد يعني بنصوم تلت تربع السنه تقريبا
فهموهم ان عند اطفاء النور في ليلة راس السنة وعيد القيامه فاننا نصلي للعالم اجمع لنكون افضل من الماضي وليس كما يدور في اذهانهم
راجعوا افكاركم يامن تكرهون المسيحية فكل ماذكرته هو مكتوب في الانجيل وليس لي دخل باخطاء البشر
واخيرا فهموهم ان الله هو اله المحبه والسلام .. فيارب يانبع السلام ارسل سلامك للعالم اجمع وليكون كل انسان شمعه مضيئه لنفسه ولغيره ويملا نورك االارض كلها لكي يعرفوك انك انت الاله الحقيقي ارحمنا يارب انا والقاري وكل من قال امين …
كل سنه وانتم طيبين