))**))
****************************
بقلمى / محمود جنـــيدى
** ** ** ** ** **
يافيلسوف الحياة فلسف لنا حياتنا واتحفنا ..
وطمن قلوبنا بحكمتك اللى دايما بتكشفنا ..
مليانين خوف ومش عارفين ايه مخوفنا ..
ومالى حلقنا المرار ومالى كمان جوفنا ..
لا عارفين نفسنا ولا لاقيين حد يعرفنا ..
يافيلسوف الحياة فلسف لنا حياتنا واتحفنا ..
ومفيش قناعة مع اننا ياما سمعنا وشفنا ..
استخبينا جوانا كتير خايفين لحد يشوفنا ..
وسيبنا نفسنا لبرد الغباء لحد ما نشفنا ..
ومع إننا عارفين تعالى برضه عرّفنا ..
وقول لنا مش عيب بعد الغلط لو اتأسفنا ..
فكرنا إن العناد والجهل هما سبب تخلفنا
واننا عشان نوصل لازم نزود معارفنا ..
ولو بعدنا عن ربنا مين غيره حينصفنا ..
تعالى يافيلسوف أرجوك علمنا وفلسفنا ..
يمكن على إيدك نفوق وننسى مخاوفنا ..