منة حازم في حوار : نسيني حنين ، دوبني غرام << قصيدة شعرية >> ـ أخر الاسبوع

منة حازم

نسيني حنين دوبني غرام♬”
-ده غلط وحرام!-
-توبي ، دي الدُنيا قُصيرة-
مانا أصلاً لسه صُغيرة،
وبلاش تقوليلي حرام و حرام!
وسيبيني أرقُص وأبني فـ أحلام.
وإدعيلي ، نفسي أبقى رُفيعه
أصل أنا جبتلي فُستان ضيق.
والطرحه هناك أهي متشمعه
-وهي دي طرحه! مالها قُصيرة؟!-
ما عشان رقبتي تبان من ورا
قُصـة وبرفان ، وطبعاً مَسكرة
أنا كده جاهزه ؟ ولا إيه يا ترى؟
-لا مش جاهزة!-
أيوة ، كنت أنا فعلاً هنسى!
المانيكير طبعاً والباديكير
-لا ناسيه كتير!-
-صليتي العصر؟-
لا هصليه قصـّر
-“العصر” و “قصر”!!-
-يا مجايب مصر:'(-
مش هخلص يعني، في إيه!!
شايفه الشُريان والدم أهو فيه؟
مع أخر نُقطه هتجريّ فيه
هتلاقي التوبة تحِل عليه،
وهصلي وأصوم وهعيشله وليّه
فـ سيبيني أنام وأنسى الأحزان.
-و مش سامعه يا حِلوة الآذان؟-
ربنا ده كريم وبيسامح.
فسيبيني أعيش وأنسى امبارح

المشهد الثاني
حتى الشرايين اتقطعت
والأوردة ، اتبعترت
والدم ألوانه اتغيرت
مش كُريات حمرا دي ولا بيضه.
اتخطفت روحك كـ “الصيده”
خلاوييص؟ المخ أهو اتخدر
شايف إيه,مين,وازاي أنا فين؟!
مين معايا وجيتلي منين!
(أنا ملك الموت
رديت بـ سكُوت
لأ نُكته وبايخه كفايه برود!
افتحلي يابويا حبستني ليه،
وأنا ليه فـ تابوت ؟!
أيوة مصلتش وذنبي أنا إيه
دي الدُنيا تلاهي سرح وشرود
مبترُدش عليا أنا ليه؟
طب رُدي إنتي يا أُمي عليه،
وقوليله يفتحلي المقفُول
وأنا بوعدك.
هسمع كلامك على طول
مبترديش إنتي كمان ليه؟
طب وعد إني هصلي وهركع،
وأستغفر وأسبح وأرجع
الإسم: البار ، والمهنة: خلوق.
وهتمشُم رافعين راسكُم فوق
لابسين إسود! بتعيطوا ليه؟!
مين مات وبتقروا الفاتحه عليه؟
الناس دول أول مرة أشوفهم
الحلوين جايين يورثوا مين!
ماتردوا عليا يا بني أدمين
(أنا ملك الموت
(إنت اللي سنين عُمرك بتفوت
(والدور جه عليك ، وده وقت الموت
لأ سيبني هتوب وأرجع مظبوط
(لا تقولـّي “توبة وأخر مرة”
(إزاي تعصى وتعيش مبسوط؟
(مش سائلك وزنك كام
(فـ بطون حشرات بقاياكي
(ولا عمرك ، سِنك كام
(ولا شكلك ولا حكاياكي
(لا بياضك هينجيكي
(وسمارك هينسيكي
(لا شكرتيه ولا حبيتي
(للأخرة تملّي عينيكي
(وأجزائك شاهدة عليكي
(من راسك ولـ رجليكي
(فـ بلاش إنكار لـ أخطائك
(وقوام ملّيني أعمالك
(ازاي كان إستغلالك؟
(للوقت وصرّف أموالك
(و أخبار طاعة الوالدين
(كام مرة كدبتي عليهم؟
(فـ إجابة “رايحه لـ فين؟”
(أنا ملك الموت
(انت اللي سنين عُمرك بتفوت
(فـ ازاي تعصى وتعيش مبسوط؟!