بقلم/ رأفت عبد العال

سنين العمر بتعدي
بنكبر بس مش حاسين
في علم الغيب ساكن يومنا
لا نعرف إيه جايب بكرة
ولا الحاضر واخدنا لفين
لكن عايشين
بين قوسين كتاب مقفول
جوه العين حاجات تصحى
وجوه الخوف حاجات بتموت
بنعشق آه نحب حياة
ساعات الخطوة تاخدنا لبر نجاه
ساعات نهرب في أحلامنا
ساعات نضحك على ايامنا
ساعات نتحنى بهمومنا
ويوم ورا يوم بنكبر
بس مش حاسين
ندور مع ساقية الايام
ونرحل جوه لحن حزين
وآه من آخر الرحلة
وربان السفاين موت

نُشر بواسطة محمد عرفة ابو يوسف

مشرف ديسك مركزي