حكايات الزمان
مليون حكايه حب
كانت تشق القلب
وتهجرنا فرحتنا
يفارقنا وتفضل لينا غربتنا
نقول ننسى ولا ننسى
وتفضل فيننا كالذكرى
صفحات مطويه
وتتفتح الصفحات مع كل حكايه منسيه
قلب تعشق غريقه ليل
تحلم بحلم مستحيل
وييجى نهار فى ساقيه ندور
ومين فينا عليه الدور
يدوق صبار
وجرح مرار
وكام كلمه
وكام موال
يا قلب حزين
كفايه صراخ
وبكى وانين
هتشكى لمين
اصحى وعدى
دا الليل طويل
والعمر اسير
تقابل ناس
سعات الماس
وناس من ازاز بدون برواز
يخدعك جمال منظره ولما تقرب
تعرف بقيمته وتبدا تهرب
حكايات
فى القلب ساكنه من زمان
قلب حنين فى الحب داب
لما عشق ملقاش جواب
والسكوت بقى له كتاب
انا مش هعاتب!
من غير عتاب
ببعت سلام للى علمنى الكلام
والى وجع روحى وسبب الاااام
والى حبيته بجنون والى فات قلبى مفتون
والى سافر والى باع والى خان عهد زمان
والحروف اهى بتصرخ
حكايات
بقلم الشاعره حنين