رأفت عبد العال
وتفرق إيه مادام الصبح
عطشان دم !!!!
وتفرق إيه مادام الليل
بيطرح هم !!!!
وبين الكفة والكفة ميزان الزيف
ومبتورة الحقيقة ليه بحد السيف
وليه بركاني مش قايد كأنه التلج
وجوه الآهه مسجونة سحابة صح
سنين العمر مشغولة بحفنة ملح
نتوه في سكة العتمة ويصرخ
جوه منا الجرح
وجوه الخوف بينده حلمنا التايه
بيصرخ ع جوه اللحد
وعمري اللي بات حيران
ومش لاقي لبره مكان
عشق دمعه وبات في سكة السجان
وإيه تفرق مادام شمس الحقيقة غيوم
مادام ورقة نعيش بيها
وورقة تاخدنا للنسيان
وف الاخر يسرسب عمرنا
الهارب كأنه ما كان