أنا ملاح

1 min


2515

سالى محمود

على شط بحر الغرام عايش أنا ملاح
قلبي وروحي دايبين في عشق الصبايا الملاح
مكتوب على جبيني السفر والتوهة في الأيام
من شط لشط سارح ولا مينا ترسيني
مفطوم يا قلبي على الترحال
وصوتي يغني ويشجي بالموال
ويشق موالي البراح
ولا طايل في يوم أرتاح
والحزن طارح في القلوب فدادين
أعاشر ناس وأفارق ناس تانيين
مجبور يا قلبي على الجفا والتوهان
من مينا لمينا مستني ألاقيكي
صبية والصبا ليكي
بس لو بقلبك تحسيني
تناديني ..تضميني
ومن التوهة تاخدينى
ده أنا على شطك أحط رحالي وهمومي
وأناجي البحر في عيونك يازاد يومي
وأرسم على الرملة بيتي وسفينتي
يا كل أمالي والمنى إنتي
بحبك يا عروسة البحر ولقيتك
رسمتك في خيالي سنين وخليتك
عشقي وعمري وترحالي وما نسيتك
يا عروسة البحر ناديتي ولبيت الندا
وجيتك .. أودع التوهة
وأرسى على باب بيتك
بحبك وعاشق يا زينة الملاح


Like it? Share with your friends!

2515

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
0
win
مشرف ديسك مركزي